शिक्षाले हरेक कामलाई सहज तरिकाले सम्पन्न गर्ने क्षमता प्रदान गर्छ, मानव जीवनलाई व्यवस्थित गर्ने चेतना विकास गर्दछ । यहि मान्यतालाई पूर्वी प्युठानका आदरणीय अग्रजहरूले आत्मसाथ गरी वि.स. २०३२ मार्ग २९ गते बर्बोट मैदानमा स्थापना गरिएको प्राथमिक (१-३) विद्यालय र प्युठान चुँजा पञ्चायतको चुदरीखोलामा रहेको खड्गेश्वरी नि.मा.वि.का ४, ५ कक्षा स्थानान्तरण गरी वि.स. २०३४ सालमा हालको भानुभक्त मा.वि स्थापना भएको हो । शिक्षा समय सापेक्ष वा समाजकाे आवश्यकतालाई परिपूर्ति गर्ने खालकाे हुनु पर्छ। साेही मान्यता अनुरूप हाल यहाँ साधारण र प्राविधिक दुवै धारमा कक्षा १२ सम्मकाे शिक्षा प्रदान गरिन्छ। आज शिक्षा महङ्गाे हुँदै गइरहेकाे अवस्थामा ग्रामीण क्षेत्रमा बसाेवास गर्ने विपन्न् वर्गका न्यून आय भएका विद्यार्थीहरूकाे लागि अत्यन्त कम लगानीमा साधारणतर्फ शिक्षा, व्यावस्थापन, मानविकी अन्तरगतका विषय र प्राविधिक धारतर्फ कृषि वाली विज्ञान विषय अध्यायनकाे सुनाैलाे अवसर उपल्वध छ। यस विद्यालयले शैक्षिक, भाैतिक र पर्यावरणीय उन्नतिका लागि ५ वर्षे गुरू याेजना २०७६ - ८० निमार्ण गरी नमूना विद्यालय बनाउन अगाडि बढिरहेकाे जानकारी गराउन चाहान्छु ।